काम करय नही अब कोनो,
गली गली म ताश फिटे सब कोनो,
नोनी के बाबू अलाल होगे रे,
फोकट के चांउर जंजाल होगे रे ।
फोकट के चांउर.......
काम करे ल जाथंव कहिके,
रोज दारू पी के आथे,
लयीका मन अउ मोला बड़ सताथे,
खींचा तानी अब तो रोज हो गे रे ।
फोकट के चाउंर........
राशन कारड हमर नाव म आगे,
का चलही हमर ओकर मन के आगे,
कैसे करन अब हमन गुजारा,
चाउंर जम्मो वो ह बेच देथे रे ।
फोकट के चाउंर........
राशन कार्ड पर मेरी एक व्यंग !
रचना-
हेमंतकुमार मानिकपुरी
भाटापारा
जिला
बलौदाबाजार-भाटापारा
No comments:
Post a Comment