मै नेता अंव (छत्तीसगढ़ी)

सादा कुरथा अउ खादी के जाकेट,
मोर पहचान हवय,
मै नेता अंव,
तुमन ल परनाम हवय।
                मै नेता.........
सादा सादा कुरथा मा,
मोर करीया करीया मन तोपाय,
गरीब गुरबा मन के बोट बर,
मोर मन ललचाय।
             मै नेता.............
मै लुगरा, बोतल, कुकरा बांटंव,
घर घर जा के तलवा चांटव,
राजनीति म सब चल जाथे,
तब जाके नेता ललीयाथे।
               मै नेता.........
चार दिन मेहनत करना हे,
दीदी दाई अउ भांटो कहना हे,
पंचवा दिन दारूअउ पारटी,
हो गे काम हमर अब साथी।
            मै नेता........
दाई-कंहा जात हस बेटा,
नेता-अरे कंहा के कका अउ दाई,
बाजु हट डोकरी,
मोला खावन दे मलाई।
                     मै नेता.......
    
रचना-
हेमंत मानिकपुरी
भाटापारा