हाईकू--छत्तीसगढ़ी
१
जाड़ के घाम
सईकमा के बासी
बने सुहाथे
२
पैना के भात
अंगाकर के रोटी
जी ल जुड़ाथे
३
पताल देशी
धनिया मिरचा म
बने खवाथे
४
ममहा गे जी
साग गली खोर म
मेथी छंवागे
५
जिमी कांदा हे
मही चर चर ले
लार बोहागे
६
पुटू फरे हे
बबा खोजे परे हे
संझा पहागे
७
बटकर हे
गोलईंदा भांटा हे
भाजी रिसागे
८
काला रांधौ मै
छेना झिंटी सिरागे
बबा गुस्सागे
रचना
हेमंतकुमार मानिकपुरी
भाटापारा
छत्तीसगढ़
No comments:
Post a Comment